സൗഹൃദങ്ങള്‍ക്ക് ഇതുവരെയുണ്ടായിരുന്ന ആത്മാര്‍ത്ഥത പോലും നഷ്ടപ്പെടാന്‍ ഫേസ്ബുക് ചങ്ങാത്തം ഇടവരുത്തുന്നു എന്ന വ്യാഖ്യാനത്തിലേക്കാണ് പുതിയ കണ്ടെത്തല്‍ വിരല്‍ ചൂണ്ടുന്നത്. അതേ സമയം പത്തോളം പേര്‍ക്ക് മാത്രമാണ് തങ്ങളുടെ ഫേസ്ബുക് സുഹൃത്തുക്കളുമായി സമയം ചിലവഴിക്കാന്‍ ആഗ്രഹമുള്ളൂ എന്നും കണ്ടെത്തല്‍ വ്യക്തമാക്കുന്നു. തങ്ങളുടെ സുഹൃത്തുക്കളെ സൗഹൃദവലയത്തില്‍ നിന്നും പിന്‍വലിച്ചാല്‍ പുതിയ ഗോസിപ്പുകളും അപവാദങ്ങളും ഉണ്ടാകുമെന്നതിനാലാണ് പലരും അത് ചെയ്യാത്തതെന്നും സര്‍വെ പറയുന്നു. പതിനെട്ടു വയസ് കഴിഞ്ഞ 2,863 പേരെയാണ് ഈ സര്‍വെയില്‍ ഉള്‍പ്പെടുത്തിയത്. ബന്ധുക്കളുടേയും , വളരെ അടുത്ത പരിചയക്കാരുടേയും വിവരങ്ങള്‍ നീക്കാന്‍ പലരും താത്പര്യപ്പെടുന്നെങ്കിലും ഫോണ്‍ നമ്പറുകള്‍ക്കും അത്യാവശ്യങ്ങള്‍ക്കും വേണ്ടി മാത്രം ആ ബന്ധം നിലനിര്‍ത്തുന്നു.
സുഹൃത്തുക്കളെ കൂടുന്നതിനേക്കാളുപരി ശത്രുക്കളെ കൂട്ടാനാണ് ഫേസ്ബുക് ഉപകരിക്കുന്നതെന്ന് , പഠനം നടത്തിയ സംഘത്തിന്‍റെ തലവനായ ബ്രിട്ടണിലെ വൗച്ചര്‍ കോഡ്സ് പ്രോ വിന്‍റെ ഡയറക്റ്റര്‍ ഡോര്‍ജ് ചാള്‍സ് പറയുന്നു. - (Courtesy: Metrovartha )
