ചിരിമഴയില് കുതിര്ന്ന മിമിക്രിവേദിയില് സരിതയും ബിജിമോളും പത്മജയും വെള്ളാപ്പള്ളിയും അബ്ദുല്ലക്കുട്ടിയും മാണിയുമടക്കമുള്ളവര് കൈയടി വാങ്ങി. പക്ഷേ, താരം സാംസ്കാരികമന്ത്രി തിരുവഞ്ചൂര് രാധാകൃഷ്ണനായിരുന്നു. മന്ത്രിയുടെ ‘മാസ്റ്റര്പീസാ’യ സംസ്ഥാന ചലച്ചിത്ര പുരസ്കാര പ്രഖ്യാപനം സദസ്സ് ശരിക്കും ആസ്വദിച്ചു.
മന്മോഹന് മുതല് പിണറായിവരെ നീണ്ട രവീണയുടെ മിമിക്രി സദസിനെ ശരിക്കും ഹരം കൊള്ളിച്ചു . കറന്സി നിരോധവും, സോളാര് വിവാദവും, ദിലീപ്- കാവ്യ വിവാഹവും, രാഷ്ട്രീയ കൊലപാതകങ്ങളും ഹര്ത്താലും വിഷയമാക്കിയ രവീണയുടെ പ്രകടനത്തില് കേരള- ദേശീയ രാഷ്ട്രീയ നേതാക്കളും തമിഴ് മലയാള ചലച്ചിത്ര താരങ്ങളും അവതരിപ്പിക്കപ്പെട്ടു. കമലിന്റെ പാകിസ്താന് യാത്രയും അലന്സിയറുടെ പ്രതിഷേധവുമെല്ലാം ഉള്ക്കൊള്ളിച്ച ഹയര്സെക്കണ്ടറി വിഭാഗം പെണ്കുട്ടികളുടെ മിമിക്രിയില് ഒന്നാം സ്ഥാനം കരസ്ഥമാക്കിയ രവീണയുടെ പ്രകടനം ശ്രദ്ധേയമായി.
അടുത്തകാലത്തുണ്ടായ സാമൂഹിക രാഷ്ട്രീയ വിഷയങ്ങളെ ആക്ഷേപ ഹാസ്യരീതിയില് അവതരിപ്പിച്ച രവീണയുടെ ശൈലി സദസ്സിനെ ശരിക്കും ചിരിപ്പിച്ചു. കോഴിക്കോട് സെന്റ് ജോസഫ് ആംഗ്ലോ ഇന്ത്യന് ഹയര്സെക്കണ്ടറി സ്കൂളിലെ പ്ലസ് വണ് വിദ്യാര്ത്ഥിനിയാണ് രവീണ.
സുപ്രഭാതം പൊട്ടിവിടരുന്നതും പാല് കറന്നെടുക്കുന്നതും പണക്കാരന്റെയും പാവപ്പെട്ടവന്റെയും വീട്ടിലെ പട്ടികളെയും കണ്ടുമടുത്ത സദസ്സിന് ഏറെ ഇഷ്ടമായതും പുതിയ വിഷയങ്ങളിലൂന്നിയ രവീണയുടെ പ്രകടനമാണ്.
കഴിഞ്ഞ രണ്ടുവര്ഷങ്ങളില് സംസ്ഥാന തലത്തില് ഹൈസ്കൂള് വിഭാഗം മിമിക്രിയില് രവീണയ്ക്ക് തന്നെയായിരുന്നു ഒന്നാംസ്ഥാനം. കോഴിക്കോട് പന്തീരാങ്കാവിനടുത്ത് വള്ളിക്കുന്ന് സ്വദേശികളായ ബാബുവിന്റെയും ഷെറീനയുടെയും മകളാണ് രവീണ.
രവീണയുടെ സഹോദരന് രാഹുലും ഒരു മിമിക്രി കലാകാരനാണ്. മുമ്പ് സംസ്ഥാന തലത്തില് രാഹുല് ഒന്നാമതെത്തിയിട്ടുണ്ട്. അയല്വാസിയും മിമിക്രി കലാകാരനുമായ കലാഭവന് പ്രദീപ് ലാല് ആണ് രവീണയ്ക്ക് പരിശീലനം നല്കുന്നത്.
മരണ ശേഷം മൃതശരീരം മെഡിക്കൽ വിദ്യാർത്ഥികൾക്ക് പഠിക്കാൻ വിട്ടുകൊടുക്കുമെന്നു പറയാൻ ഇവിടെ എത്ര വൈദികർക്കുണ്ട് ധൈര്യം? മാനവസ്നേഹത്തിന്റെ പാവനകർമ്മം അവയവദാനത്തിലൂടെ ലോകത്തിനു കാണിച്ചുകൊടുത്ത പ്രശസ്ത ധ്യാന ഗുരു ഫാ. ഡേവിസ് ചിറമേല് ഇതാ പരസ്യമായി പ്രഖ്യാപിക്കുന്നു തന്റെ മരണശേഷം ഭൗതിക ദേഹം മെഡിക്കൽ വിദ്യാർത്ഥികൾക്ക് പഠിക്കാൻ കൊടുക്കാൻ സമ്മതപത്രം നൽകിയിട്ടുണ്ടെന്ന് . പ്രസംഗം മാത്രം പോരാ പ്രവൃത്തിയും നല്ലതായിരിക്കണമെന്ന് മറ്റു സുവിശേഷ പ്രഘോഷകരെ ഉദ്ബോധിപ്പിക്കുകയാണ് ഇതിലൂടെ ചിറമേൽ അച്ചൻ !
.സ്വന്തം വൃക്ക മറ്റൊരാള്ക്ക് ദാനമായി നല്കി കൊണ്ടാണ് ചിറമേല് അച്ചന് തന്റെ ജീവകാരുണ്യ പ്രവര്ത്തനങ്ങള്ക്ക് തുടക്കം കുറിച്ചത്. ഇന്ന് ലോക മെമ്പാടും നിരാലംബരായ അനേകര്ക്ക് പുതുജീവന് പകരുകയാണ് അച്ചൻ രൂപം കൊടുത്ത കിഡ്നി ഫൗണ്ടേഷന്. അപരനുവേണ്ടി ജീവിച്ചാല് നമ്മുടെ ജീവിതം ഒരിക്കലും പരാജയമാകില്ലെന്നാണ് ഫാ. ഡേവിസ് ചിറമേലിന്റെ ചിന്താഗതി.
അങ്കമാലി ലിറ്റിൽ ഫ്ളവർ ആശുപത്രിയിൽ നടന്നതെന്ന് , അച്ചൻ പറയുന്ന ഈ സംഭവം സത്യമാണോ ? ഇതൊന്നു കേട്ടു നോക്കൂ (പ്രശസ്ത ധ്യാന ഗുരു ഫാ. ജേക്കബ് മഞ്ഞളിയുടെ പ്രസംഗം)