News Today

« »

Bishop Mar George Punnakottil and Mar Madathikandathil

Caricature made by Ignatious Kalayanthani

T C Mathew,Associate Editor,Deepika

Caricature made by Ignatious Kalayanthani.

Rev. Fr. Joseph Kochuparambil

Caricature made by Ignatious Kalayanthani

Thomas Jacob,Malayala Manorama

Caricature made by Ignatious Kalayanthani

Johny Lukose, news Director, Manorama News

Caricature made by Ignatious Kalayanthani

Ignatious Kalayanthani

Caricature made by Ignatious Kalayanthani

Dr Babu Sebastian, V C , M G University

Caricature made by Ignatious Kalayanthani

Jose Panachippuram, Malayala Manorama

Caricature made by Ignatious Kalayanthani

Ignatious Kalayanthani

Caricature made by Ignatious Kalayanthani

Sunday, September 25, 2011

രക്ഷാകര്തൃ അവബോധന ക്ലാസ് (Parent awareness class) വീഡിയോ





എസ് ജി എച് എസ് കല്ലാനിക്കല്‍ നടത്തിയ  രക്ഷാകര്തൃ  അവബോധന ക്ലാസ് (Parent Awareness class ) വീഡിയോ .( വീഡിയോ കാണുവാന്‍  തുടര്‍ന്ന് വായിക്കുക എന്നാ ലിങ്കില്‍ ക്ലിക്ക് ചെയ്തതിനു ശേഷം വരുന്ന വിന്‍ഡോയില്‍ വീഡിയോ പ്ലേ ചെയ്യുക )

Friday, September 23, 2011

പ്രമേഹത്തിന്റെ ലക്ഷണങ്ങള്‍



രക്തബന്ധത്തിലുള്ള ആര്‍ക്കെങ്കിലും പ്രമേഹ മുണ്ടായിട്ടുണ്ടെങ്കില്‍ അതുമായി
ബന്ധപ്പെട്ടുള്ളവര്‍ക്ക് പ്രമേഹസാധ്യത കൂടുതലാണ്. അച്ഛനമ്മമാര്‍ക്കോ
സഹോദരങ്ങള്‍ക്കോ പ്രമേഹമുണ്ടെങ്കില്‍ നിങ്ങളുടെ രക്തത്തിലെ പഞ്ചസാരയുടെ
അളവ് മിതമാണെങ്കില്‍പ്പോലും ഇടക്കിടെ, ചുരങ്ങിയത് വര്‍ഷത്തില്‍ ഒരു
തവണയെങ്കിലും പരിശോധന നടത്തുന്നതാണ് ഉത്തമം.



പ്രമേഹമുള്ളവരില്‍ പൊണ്ണത്തടി, പുകവലി, മദ്യപാനം, ഉയര്‍ന്ന രക്തസമ്മര്‍ദ്ദം
എന്നീ പ്രശ്‌നങ്ങള്‍ കാണാറുണ്ട്. സ്ത്രീകളിലെ പ്രമേഹം [^] ഗര്‍ഭകാലത്താണ്
ഏറ്റവും പ്രശ്‌നങ്ങളുണ്ടാക്കുന്നത്. പ്രമേഹമുള്ള സ്ത്രീകളുടെ കുഞ്ഞുങ്ങള്‍
പ്രസവസമയത്ത് തന്നെ നാലുകിലോയില്‍ അധികം തൂക്കമുള്ളതായി കാണപ്പെടാറുണ്ട്.
ഇത് പ്രസവം ദുഷ്‌കരമാക്കും.



പ്രമേഹത്തിന്റെ ലക്ഷണങ്ങള്‍



പ്രായപൂര്‍ത്തിയായവരില്‍ ചിലപ്പോള്‍ ആദ്യകാലത്തൊന്നും പ്ര്‌മേഹം അതിന്റെ
ലക്ഷണങ്ങള്‍ കാണിച്ചുവെന്ന് വരില്ല. രക്തത്തിലെ പഞ്ചസാരയുടെ അളവ് 180
മില്ലിഗ്രാമില്‍ കൂടുമ്പോള്‍ മൂത്രത്തിലും പഞ്ചസാര കാണപ്പെടുന്ന
അവസ്ഥയുണ്ടാകുന്നു.



ഇതു കാരണം കൂടുതല്‍ ദാഹം തോന്നുകയും ഇടക്കിടെ മൂത്രമൊഴിക്കാനുണ്ടെന്ന
തോന്നുലുണ്ടാവുകയും ചെയ്യുന്നു, വെള്ളം എത്രകുടിച്ചാലും ദാഹം തീരാത്തതുപോലെ
തോന്നുന്നുവെങ്കില്‍ ശ്രദ്ധിക്കുക. ശരീരത്തിന് തളര്‍ച്ച തോന്നുകയും
വിശപ്പ് കൂടുകയും ശരീരഭാരം പെട്ടെന്ന് കുറയുകയും ചെയ്യുന്നതും
പ്ര്‌മേഹത്തിന്റെ ലക്ഷണമായി കണക്കാക്കാം.

ചെറിയ മുറിവുകള്‍ ഉണങ്ങാന്‍ സാധാരണയിലും സമയമെടുക്കുക, അല്ലെങ്കിലും
പഴുപ്പ് ‌വരുക തുടങ്ങിയവും പ്രമേഹ ലക്ഷണങ്ങളാണ്. ചിലരില്‍
കാഴ്ചക്കുറവനുഭവപ്പെടുകയും കണ്ണുകള്‍ കോങ്കണ്ണ് രൂപത്തിലേയ്ക്കാവുകയും
ചെയ്യും.



എങ്ങനെ നിര്‍ണ്ണയിക്കാം



മൂന്നു തരത്തില്‍ പ്രമേഹരോഗം മനോഹരമായി ഡിസൈന്‍ ചെയ്ത കല്ലാനിക്കല്‍ സ്കൂള്‍ ബ്ലോഗിന്റെ പൂമുഖത്തേക്ക്‌ പോകുവാന്‍ ഇവിടെ ക്ലിക്ക് ചെയ്യുക നിര്‍ണയിക്കാം. എന്നാല്‍
മൂത്രപരിശോധയിലൂടെയുള്ള രോഗനിര്‍ണ്ണയം സ്വീകാര്യമല്ല. രക്തപരിശോധനയാണ്
രോഗനിര്‍ണ്ണയത്തിന് ഉത്തമം.



കാലത്ത് ഭക്ഷണം കഴിയ്ക്കുന്നതിന് മുമ്പായി രക്തം പരിശോധിക്കാം, ഇത്തരത്തില്‍ പരിശോധിക്കുമ്പോള്‍ രക്ത

ത്തിലെ പഞ്ചസാരയുടെ അളവ് 110 മില്ലിഗ്രാം ആയിരിക്കണം. 126 മില്ലിഗ്രാം
അല്ലെങ്കില്‍ അതില്‍ കൂടുതല്‍ ഉണ്ടെങ്കില്‍ പ്രമേഹം ഉണ്ടെന്ന്
ഉറപ്പിയ്ക്കാം. ഇതിനെ ബോര്‍ഡര്‍ലൈന്‍ ഡയബെറ്റിസ് എന്നാണ് പറയുന്നത്.



ദിവസത്തില്‍ ഏതെങ്കിലും ഒരു സമയത്ത് രക്തമെടുത്ത് പരിശോധിക്കുക.
ഇത്തരത്തില്‍ പരിശോധിക്കുമ്പോള്‍ പഞ്ചസാരയുടെ അളവ് 200ല്‍ കൂടുതലാണെങ്കില്‍
പ്രമേഹമാണെന്ന് സ്ഥിരീകരിക്കാം. എന്നാല്‍ പ്രമേഹത്തിന്റെ ലക്ഷണങ്ങള്‍
കാണിക്കുന്നില്ലെങ്കില്‍ രക്തം വീണ്ടും പരിശോധിക്കണം. എന്നിട്ടും വ്യക്തത
ലഭിക്കുന്നില്ലെങ്കില്‍ ഗ്ലൂക്കോസ് കഴിച്ചതിന് ശേഷം പരിശോധന തുടരണം. ഇതിനെ
ഗ്ലൂക്കോസ് ടോളറന്‍സ് ടെസ്റ്റ് എന്നാണ് പറയുന്നത്.



ഈ ടെസ്റ്റിന് വിധേയരാകുന്നതിന് മുമ്പേ ചെയ്യേണ്ട കാര്യങ്ങള്‍



മൂന്നു ദിവസം സാധാരണ രീതിയിലുള്ള ഭക്ഷണം കഴിയ്ക്കുക, രാത്രിയില്‍ ഭക്ഷണം
ഉപേക്ഷിക്കുക. രക്തം തന്നെ പരിശോധനയ്‌ക്കെടുക്കുക, 75ഗ്രാം ഗ്ലൂക്കോസ് 100
മില്ലി ലിറ്റര്‍ വെള്ളത്തിലിട്ട് അഞ്ചുമിനിറ്റ് വച്ചശേഷം കഴിയ്ക്കുക,
പിന്നീട് രണ്ടു മണിക്കൂര്‍ കഴിഞ്ഞശേഷം രക്തം പരിശോധിക്കുക.

പ്രമേഹത്തിന് 10 ആയുര്‍വേദ ലഘുചികിത്സകള്‍




 പ്രമേഹത്തിന് 10 ആയുര്‍വേദ ലഘുചികിത്സകള്‍
ആയുര്‍വേദശാസ്ത്രപ്രകാരം പ്രമേഹരോഗം പ്രധാനമായും 20 വിധത്തില്‍ കാണപ്പെടും. ഉദകമേഹം, ഇക്ഷുമേഹം, സുരാമേഹം, പിഷ്ടമേഹം, ശുക്ളമേഹം, ലാലാമേഹം, ശനൈര്‍മേഹം, സികതാമേഹം, ശീതമേഹം, സാന്ദ്രമേഹം ഇങ്ങനെ കഫദോഷ പ്രധാനമായുണ്ടാകുന്ന മേഹങ്ങള്‍ പത്തുവിധത്തിലുണ്ട്.ഇതു കൂടാതെ മഞ്ജിഷ്ഠാമേഹം, നീലമേഹം, കാളമേഹം, ഹരിദ്രാമേഹം, ശോണിതമേഹം, ക്ഷാരമേഹം എന്നിങ്ങനെ പിത്തപ്രധാനങ്ങളായമേഹങ്ങള്‍ ആറും വസാമേഹം, മജ്ജാമേഹം, ഹസ്തിമേഹം, മധുമേഹം എന്നിങ്ങനെ വാതപ്രധാനമായ മേഹങ്ങള്‍ നാലു വിധത്തിലും കണ്ടുവരുന്നു. അതിനാല്‍ത്തന്നെ ശാസ്ത്രീയമായ ആയുര്‍വേദചികിത്സയ്ക്ക് വിദഗ്ധമായ രോഗനിര്‍ണയം അത്യാവശ്യമാണ്.

മേല്‍പറഞ്ഞ വിഭാഗങ്ങളില്‍ ചികിത്സ അസാധ്യമായി സംഹിതകള്‍ കരുതുന്ന മധുമേഹത്തോടാണു നാം ആധുനിക ശാസ്ത്രത്തില്‍ പറയുന്ന പ്രമേഹം (.ദ്ധന്റ്വനPadma_chandrakkalaന്ധനPadma_chandrakkalaന്ഥ പ്പനPadma_chandrakkalallദ്ധന്ധഗ്മന്ഥ) എന്ന രോഗത്തിന് ഏറെ സാമ്യം. അതിനാല്‍ത്തന്നെ പ്രമേഹചികിത്സ ഏറെ സൂക്ഷിച്ചു ചെയ്യേണ്ടതും കൃത്യമായ വൈദ്യനിര്‍ദേശപ്രകാരം ദീര്‍ഘകാലം ശീലി ക്കേണ്ടതുമാണ്. ബലവാനായ രോഗിക്കു വമനം, വിരേചനം തുടങ്ങിയ ശോധന പ്രയോഗങ്ങള്‍ക്ക് ശേഷമാണ് ശമന ചികിത്സ വിധിക്കുന്നത്. എങ്കിലും വീട്ടില്‍ പരീക്ഷിച്ചു നോക്കാവുന്ന ചില ലഘു പ്രയോഗങ്ങള്‍ ചുവടെ നല്‍കുന്നു.

ലഘു പ്രയോഗങ്ങള്‍
1 പച്ചമഞ്ഞള്‍, പച്ചനെല്ലിക്ക ഇവയുടെ നീര് 25 മില്ലി വീതം ആവശ്യത്തിനു തേനും ചേര്‍ത്ത് രാവിലെ വെറുവയറ്റില്‍ സേവിക്കുക. നെല്ലിക്ക ഇടിച്ചു പിഴിഞ്ഞ ഒരൌണ്‍സ് നീരില്‍ രണ്ട് ടീസ്പൂണ്‍ വരട്ടുമഞ്ഞളിന്റെ പൊടി ചേര്‍ത്തു സേവിക്കുന്നതും പച്ചനെല്ലിക്കയും മഞ്ഞളും തുല്യമായി ചേര്‍ത്തരച്ചു 20 ഗ്രാം വരെ രാവിലെ വെറും വയറ്റില്‍ സേവിക്കുന്നതും ഗുണകരമാണ്.
2 തേറ്റാമ്പരല്‍ നാല്-അഞ്ച് എണ്ണം വെള്ളത്തില്‍ ഒരു രാത്രി ഇട്ടുവച്ചിരുന്നു രാവിലെ കടഞ്ഞെടുത്ത മോരിലരച്ച് സേവിക്കുന്നതു പ്രമേഹശമനീയമാണ്.
3 ചിറ്റമൃതിന്റെ നീര്- 25 മില്ലി-തേന്‍ ചേര്‍ത്ത് രാവിലെ വെറുംവയറ്റില്‍ കഴിക്കുന്നതു പ്രമേഹം ശമിപ്പിക്കും.
4 ഏകനായകത്തിന്‍വേര് (പൊന്‍കുരണ്ടി, തേറ്റമ്പരല്‍ എന്നിവ തുല്യ അളവില്‍ പൊടിച്ചു രണ്ടു ടേബിള്‍ സ്പൂണ്‍ വീതം രണ്ടു നേരം സേവിക്കുന്നത് പ്രമേഹശമനത്തിന് ഉത്തമമാണ്.
5 ഏകനായകവും പച്ചമഞ്ഞളും (20 ഗ്രാം) പുളിക്കാത്ത മോരില്‍ തുല്യമായ അളവിലരച്ച് രണ്ട് നേരം കഴിച്ചാല്‍ പ്രമേഹത്തിന് ശമനമുണ്ടാവും.
6 പുളിയരിത്തൊണ്ട്, നെല്ലിക്ക ഇവ കഷായം വച്ച് -50 മി ലീ വീതം ഒരു ടീസ്പൂണ്‍ ഞവരഅരിയുടെ തവിടു ചേര്‍ത്ത് രണ്ടു നേരം സേവിച്ചാല്‍ പ്രമേഹരോഗം തടയാം.
7 മുരിക്കിന്റെ തൊലി അരച്ച് (20 ഗ്രാം)- മോരിലോ തേനിലോ ചേര്‍ത്ത് സേവിക്കുന്നതു ഹിതമാണ്.
8 അഞ്ചു കൂവളത്തില അരച്ചുരുട്ടി രാവിലെ വെറും വയറ്റില്‍ കഴിക്കുന്നതു പ്രമേഹം നിയന്ത്രിക്കുന്നതിനു സഹായിക്കുന്നു.
9 ത്രിഫല, മഞ്ഞള്‍, ഞാവല്‍ത്തൊലി, നാല്‍പാമരത്തൊലി, നീര്‍മാതളത്തൊലി, ചെറൂളവേര്, പാച്ചോറ്റിത്തൊലി ഇവ ഒന്നിച്ചോ അല്ലെങ്കില്‍ ഇവയില്‍ ലഭ്യമായ മൂന്നു മരുന്നുകള്‍ തുല്യ അളവില്‍ ഏകനായകവുമായി ചേര്‍ത്തോ കഷായം വച്ചു കഴിച്ചാല്‍ പ്രമേഹം ശമിക്കും.
10 കന്മദം പൊടിച്ചത് അഞ്ചുഗ്രാം വരെ സേവിക്കുന്നത് പ്രമേഹശമനത്തിന് നല്ലതാണ്.
(തേന്‍ ചേര്‍ക്കേണ്ട യോഗങ്ങളില്‍ വിശ്വാസയോഗ്യമായ ചെറുതേന്‍ ആണ് ഉപയോഗിക്കേണ്ടത്).

പഥ്യം ഏതു വിധം?
ഏറ്റവും പഥ്യമായത് ശരിയായ വ്യായാമമാണ്. ചെരുപ്പും കുടയുമില്ലാതെ സന്യാസിയെപ്പോലെ ജിതേന്ദ്രിയനായി ദിവസവും നൂറുയോജന കാല്‍നടയായി യാത്ര ചെയ്താല്‍ പ്രമേഹശമനമുണ്ടാവുമെന്നു ചക്രദത്തം അനുശാസിക്കുന്നു. ദിവസവും 45 മിനിറ്റ് നേരത്തെ കൈവീശിക്കൊണ്ടു വേഗത്തിലുള്ള നടത്തം ധാരാളം രോഗങ്ങള്‍ക്ക് പ്രയോജനപ്രദമാണ്.ആഹാരത്തിലാകട്ടെ മോര്, ചെറുപയര്‍ ചേര്‍ത്തുണ്ടാക്കുന്ന രസം (എണ്ണയും തേങ്ങയും ചേര്‍ക്കാത്തത്), നെല്ലിക്ക, മഞ്ഞള്‍, പടവലം, മലര്‍ എന്നിവ കൂടുതലായി കഴിക്കാം. എള്ള്, ഭൂമി, സ്വര്‍ണം ഇവയുടെ ദാനം, കിണര്‍, കുളം, തണ്ണിര്‍പന്തങ്ങള്‍ ഇവയുടെ നിര്‍മാണം എന്നിവയും ഗ്രന്ഥങ്ങള്‍ നിര്‍ദേശിക്കുന്നു.

നിര്‍ബന്ധമായും ഒഴിവാക്കേണ്ടവ
പകലുറക്കം, വ്യായാമം ഇല്ലായ്മ ഇവ ആദ്യം തന്നെ ഒഴിവാക്കണം. തൈര്, നെയ്യ്,

അമിതമായാല്‍ കൊളസ്ട്രോള്‍ അപകടകാരി





ഇന്ത്യക്കാരില്‍ 45 വയസില്‍ താഴെയുള്ളവരില്‍ 25-40 ശതമാനത്തിനു വരെ ഹൃദ്രോഗം ഉണ്ടത്രേ. അമേരിക്കയിലാകട്ടെ ഇതു വെറും അഞ്ചു ശതമാനവും. ഒരേ ഇരിപ്പിലുള്ള ജോലി, കൊഴുപ്പു കൂടിയ ഭക്ഷണം, പുകവലി, വ്യായാമം ഇല്ലാത്ത ജീവിതശൈലി ഇവയെല്ലാമാണ് ഉയര്‍ന്ന ഹൃദ്രോഗ നിരക്കിന്റെ കാരണങ്ങള്‍. ഹൃദ്രോഗം ഉയരാനുള്ള ഏറ്റവും പ്രധാന കാരണം ഉയര്‍ന്ന കൊളസ്ട്രോള്‍ നിലയാണ്.



എന്താണ് കൊളസ്ട്രോള്‍?

ശരീരകോശങ്ങളില്‍ കാണുന്ന മെഴുകുപോലൊരു വസ്തുവാണ് കൊളസ്ട്രോള്‍. കോശങ്ങളുടെ വളര്‍ച്ചയ്ക്കും ശരീരത്തിന്റെ ആരോഗ്യകരമായ മറ്റു പ്രവര്‍ത്തനങ്ങള്‍ക്കും കൊളസ്ട്രോള്‍ അത്യന്താപേക്ഷിതമാണ്. എന്നാല്‍, അമിതമായാല്‍ കൊളസ്ട്രോള്‍ അപകടകാരിയുമാണ്. ശരീരത്തിന്റെ വിവിധഭാഗങ്ങളിലേക്ക് ആവശ്യമായ കൊളസ്ട്രോള്‍ എത്തിക്കുന്നതു രക്തത്തിലെ ലിപ്പോപ്രോട്ടീന്‍ എന്ന പ്രോട്ടീനുകളാണ്. ഇവ രണ്ടു തരമുണ്ട്. ഹൈ ഡെന്‍സിറ്റി ലിപ്പോപ്രോട്ടീനും (ണ്ണ.ന്ത), ലോ ഡെന്‍സിറ്റി ലിപ്പോപ്രോട്ടീനും (ന്ത.ന്ത).



ഇതില്‍ എല്‍ഡിഎല്‍ ആണ് ശരീരം മുഴുവന്‍ കൊളസ്ട്രോള്‍ എത്തിക്കുന്ന ഘടകം. ശരീരത്തില്‍ കൊളസ്ട്രോളിന്റെ അളവു കൂടുന്നത് അനുസരിച്ച് എല്‍ഡിഎല്ലും കൂടും. ഇങ്ങനെ രക്തത്തിലൂടെ കറങ്ങികൊണ്ടിരിക്കുന്ന കൊളസ്ട്രോള്‍ മെല്ലേ രാസപരിണാമം നേരിടുന്നു. പിന്നീട് വലുപ്പം കുറഞ്ഞ ശേഷം രക്തക്കുഴലിന്റെ ഭിത്തിയുടെ അടിയില്‍ കൂടുകൂട്ടുന്നു. പ്ളാക്ക്സ് എന്നറിയപ്പെടുന്ന ഇവ ക്രമേണ വലുതായി രക്തക്കുഴലില്‍ തടസം സൃഷ്ടിക്കും. അതുകൊണ്ടാണ് എല്‍ഡിഎല്‍ ചീത്ത കൊളസ്ട്രോള്‍ എന്നറിയപ്പെടുന്നത്.



നല്ല കൊളസ്ട്രോളാണ് എച്ച്ഡിഎല്‍. രക്തക്കുഴലുകളില്‍ പറ്റിപ്പിടിച്ചിരിക്കുന്ന കൊളസ്ട്രോളിനെ പിടിച്ചെടുത്തു തിരികെ കരളില്‍ എത്തിക്കുന്ന ജോലിയാണ് എച്ച്ഡിഎല്‍ കൊളസ്ട്രോളിന്റേത്. രക്തത്തില്‍ എച്ച്ഡിഎല്ലിന്റെ അളവു കൂടുന്നതനുസരിച്ച് എല്‍ഡിഎല്ലിന്റെ അളവു കുറയും. കൂടാതെ ഹൃദയത്തെ സംരക്ഷിക്കുന്ന മറ്റു കഴിവുകളും നല്ല കൊളസ്ട്രോളിനുണ്ട്. ഹൃദയാരോഗ്യത്തിന് എല്‍ഡിഎല്‍ കുറയ്ക്കുന്നതിനൊപ്പം എച്ച്ഡിഎല്‍ കൂട്ടുന്നതും നിര്‍ബന്ധമാണ്.



എവിടുന്നാണ് കൊളസ്ട്രോള്‍?

ശരീരത്തില്‍ തന്നെ നിര്‍മിക്കപ്പെടുന്ന കൊളസ്ട്രോള്‍ ആണൊന്ന്. രണ്ടാമത്തേത് നമ്മള്‍ കഴിക്കുന്ന ആഹാരത്തില്‍ നിന്നു ലഭിക്കുന്നതും. മാംസാഹാരങ്ങളിലാണ് കൊളസ്ട്രോള്‍ കൂടുതലായി കാണപ്പെടുന്നത്. പിന്നെ ഭക്ഷണം പാകം ചെയ്യാന്‍ ഉപയോഗിക്കുന്ന എണ്ണയിലും. എണ്ണകളെ മൂന്നായി തരം തിരിക്കാം. പൂരിതം (ന്ഥന്റന്ധഗ്മത്സന്റന്ധനPadma_chandrakkala) ഏകപൂരിതം (ണ്ഡഗ്നnഗ്നഗ്മnന്ഥന്റന്ധഗ്മത്സന്റന്ധനPadma_chandrakkala), അപൂരിത (ഗ്മnന്ഥന്റന്ധഗ്മത്സന്റന്ധനPadma_chandrakkala).



സൂര്യകാന്തിയെണ്ണ, സോയാബീന്‍ എണ്ണ, കോണ്‍ ഓയില്‍ തുടങ്ങിയവയാണ് അപൂരിത കൊഴുപ്പടങ്ങിയ എണ്ണകള്‍.



ഒലിവ് ഓയില്‍, നിലക്കടലയെണ്ണ, കടുകെണ്ണ തുടങ്ങിയവ ഏകപൂരിത കൊഴുപ്പടങ്ങിയവയാണ്.



വെളിച്ചെണ്ണ, പാമോയില്‍, നെയ്യ് എന്നിവയാണു പൂരിത കൊഴുപ്പടങ്ങിയ എണ്ണകള്‍.



ഇതില്‍ പൂരിത കൊഴുപ്പുകള്‍ അടങ്ങിയ എണ്ണകളാണു പലപ്പോഴും എല്‍ഡിഎല്‍ കൊളസ്ട്രോള്‍ ഉണ്ടാക്കുന്നതിന്റെ പ്രധാന കാരണ ക്കാരന്‍. പൂരിതകൊഴുപ്പു പോലെ തന്നെ പ്രശ്നക്കാരനാണ് ട്രാന്‍സ് ഫാറ്റി ആസിഡ് അഥവാ ഹൈഡ്രോജനേറ്റഡ് ഫാറ്റ്. വനസ്പതി, മാര്‍ജറിന്‍ തുടങ്ങിയവ ഹൈഡ്രോജനേറ്റഡ് ഫാറ്റ് ആണ്. ഭക്ഷണ സാധനങ്ങള്‍ വാങ്ങുമ്പോള്‍ ട്രാന്‍സ്ഫാറ്റി ആസിഡ് ഇല്ലാത്തവ എന്നു ലേബല്‍ ചെയ്തവ വാങ്ങാന്‍ ശ്രദ്ധിക്കുക. ശരീരത്തിന് ഏറ്റവും ഇണങ്ങിയ അപൂരിത, ഏകപൂരിത കൊഴുപ്പടങ്ങിയ എണ്ണകള്‍ ഉപയോഗിച്ചു പാചകം ചെയ്യുക.



കൊളസ്ട്രോള്‍ എത്ര വേണം?

രക്തപരിശോധന വഴിയാണ് ശരീരത്തിലെ കൊളസ്ട്രോള്‍ നില അറിയാന്‍ സാധിക്കുന്നത്. കൊളസ്ട്രോള്‍ 200ണ്ഡദ്ദ/lല്‍ താഴെയാകുന്നതാണ് അഭികാമ്യം. 200 മുതല്‍ 239 വരെ വന്നാല്‍ അല്‍പം കൂടുതല്‍ എന്നു പറയാം. 240 നു മുകളില്‍ വന്നാല്‍ വളരെക്കൂടുതലും.



ട്രൈഗിസറൈഡും എല്‍ ഡി എല്ലും കുറയ്ക്കാന്‍

. പഞ്ചസാര, തേന്‍, മൈദ ഉല്‍പന്നങ്ങള്‍ എന്നിവയുടെ ഉപയോഗം കുറയ്ക്കുക. ഇവയില്‍ അടങ്ങിയിരിക്കുന്ന മധുരം ശരീരത്തിലേക്ക് എളുപ്പം വലിച്ചെടുക്കപ്പെടുകയും അധികമുള്ളവ ട്രൈഗിസറൈഡായി പരിണമിക്കുകയും ചെയ്യുന്നു.



. പറോട്ട, പഫ്സ് തുടങ്ങിയ ബേക്കറി ഉല്‍പന്നങ്ങള്‍ കഴിവതും ഒഴിവാക്കണം. ഒരു പഫ്സില്‍ നാലു സ്പൂണ്‍ വരെ എണ്ണ അടങ്ങിയിട്ടുണ്ടാവും. ഒരു ദിവസം ആകെ അനുവദിച്ചിട്ടുള്ളതാകട്ടെ വെറും മൂന്നു സ്പൂണ്‍ എണ്ണയും.



. പൂരിതകൊഴുപ്പുകളുടെ ഉപയോഗം കുറയ്ക്കുക. തേങ്ങ, വെളിച്ചെണ്ണ, നെയ്യ്, പാമോയില്‍, വനസ്പതി എന്നിവയുടെ ഉപയോഗം കുറയ്ക്കുക. ഒരു ദിവസം രണ്ടോ മൂന്നോ ചെറിയ സ്പൂണ്‍ എണ്ണയില്‍ കൂടുതല്‍ ഉപയോഗിക്കരുത്.



. എണ്ണയുടെ ഉപയോഗം കുറയ്ക്കുന്നതിനൊപ്പം നാര് അടങ്ങിയ വിഭവങ്ങള്‍ ഭക്ഷണത്തില്‍ ധാരാളമായി ഉള്‍പ്പെടുത്തുക. തവിടു കളയാത്ത ധാന്യങ്ങള്‍, പഴങ്ങള്‍, പയര്‍, പരിപ്പ്, ഇലക്കറികള്‍, മറ്റു പച്ചക്കറികള്‍ എന്നിവയില്‍ ധാരാളം നാര് അടങ്ങിയിട്ടുണ്ട്. പഴച്ചാറുകള്‍ കുടിക്കുന്നതിനു പകരം പഴങ്ങള്‍ കഴിക്കുക.



. വറുത്തതും പൊരിച്ചതുമായ ആഹാരസാധനങ്ങള്‍ ഒഴിവാക്കുക.



മയോണീസ്, അച്ചാര്‍, പപ്പടം എന്നിവയോടും നോ പറയുക.



. കടല്‍ മത്സ്യങ്ങളില്‍ അടങ്ങിയിരിക്കുന്ന ഒമേഗാ ത്രീ ഫാറ്റി ആസിഡ് ട്രൈഗിസറൈഡ് കുറയ്ക്കാനും എച്ച് ഡി എല്‍ കൂട്ടാനും സഹായിക്കും. ലോകാരോഗ്യ സംഘടനയുടെ കണക്ക് അനുസരിച്ച് ഒരാള്‍ ആഴ്ചയില്‍ 400 ഗ്രാം മീന്‍ കഴിച്ചാല്‍ മതിയാകും. മീനില്‍ രാസമാലിന്യങ്ങള്‍ ഉണ്ടാവാനുള്ള സാധ്യത കൂടുതലായതിനാല്‍, ആഴ്ചയില്‍ 400 ഗ്രാമില്‍ കൂടുന്നതും ദോഷം ചെയ്യും.ഉലുവ, കടുക്, ഇലക്കറികള്‍, ഗോതമ്പ് തുടങ്ങിയവയിലും ഒമേഗാ ത്രീ ഫാറ്റി ആസിഡ് ഉണ്ട്.



. കറിവേപ്പില കഴിക്കുന്നതും എല്‍ഡിഎല്‍ കുറയ്ക്കാന്‍ സഹായിക്കും. രണ്ടു തണ്ടു കറിവേപ്പില അരച്ചു ചേര്‍ത്ത സംഭാരം ദിവസേന കുടിക്കുന്നതു ശീലമാക്കുക.



. സവാള എല്‍ഡിഎല്‍ കുറയ്ക്കും. ദിവസേന, ഒരു സവാളയുടെ പകുതി വീതം രാവിലെയും വൈകുന്നേരവും സാലഡില്‍ ഉള്‍പ്പെടുത്തുക.



. ഉലുവ, പയര്‍ തുടങ്ങിയവ മുളപ്പിച്ചതു സാലഡില്‍ ചേര്‍ക്കുന്നതും ഗുണം ചെയ്യും.



. ദിവസേന മൂന്നല്ലി വെളുത്തുള്ളി എങ്കിലും കഴിക്കണം. വെളുത്തുള്ളിയില്‍ അടങ്ങിയിരിക്കുന്ന അല്ലിസിന്‍ എല്‍ഡിഎല്‍ കുറയ്ക്കാന്‍ സഹായിക്കും.



. സാലഡുകളില്‍ മയോണീസ് ഡ്രെസിങ് കഴിവതും ഒഴിവാക്കുക. സാലഡ് തയാറാക്കുമ്പോള്‍ അര ചെറിയ സ്പൂണ്‍ വീതം ഒലിവ് ഓയില്‍ ചേര്‍ക്കുക.



അരക്കപ്പ് മല്ലിയില, കാല്‍കപ്പ് പുതിനയില, രണ്ടു പച്ചമുളക് അരി കളഞ്ഞത്, പാകത്തിന് ഇന്തുപ്പ്, അര ചെറിയ സ്പൂണ്‍ നാരങ്ങാ നീര് അല്ലെങ്കില്‍ പൈനാപ്പിള്‍ ജ്യൂസ്, അര ചെറിയ സ്പൂണ്‍ ഒലിവ് ഓയില്‍ എന്നിവ യോജിപ്പിച്ചു മിക്സിയില്‍ മയത്തില്‍ അരച്ച ശേഷം ഫ്രിഡ്ജി ല്‍ വയ്ക്കുക. ഇതു മയോണീസിനു പകരം ഉപയോഗിക്കാവുന്ന ഹെല്‍തി സാലഡ് ഡ്രസിങ് ആണ്. ഫ്രിഡ്ജില്‍ വച്ചിരുന്നാല്‍ രണ്ടു മൂന്നു ദിവസം കേടുകൂടാതിരിക്കും.



എച്ച്ഡിഎല്‍ കൂട്ടാന്‍

. ഏകപൂരിത കൊഴുപ്പടങ്ങിയ ഒലിവ് ഓയില്‍ സാലഡിലും മറ്റും ധാരാളമായി ഉള്‍പ്പെടുത്തുക. വറുക്കാനും പൊരിക്കാനും ഒലിവ് ഓയില്‍ ഉപയോഗിക്കരുത്. അധികം ചൂടായാല്‍ ഇവയുടെ രാസഘടനയില്‍ മാറ്റം വന്ന്, ശരീരത്തിനു ദോഷം ചെയ്യുന്ന രാസവസ്തുക്കളായി മാറും. താളിക്കാനും സാലഡില്‍ ചേര്‍ക്കാനും മറ്റും ഒലിവ് ഓയില്‍ ഉപയോഗിക്കാം.



. പരുത്തിക്കുരു (ക്ഷlന്ററ്റന്ഥനPadma_chandrakkalaനPadma_chandrakkala/lദ്ധnന്ഥനPadma_chandrakkalaനPadma_chandrakkala) ഉണക്കി, ചൂടാക്കി പൊടിച്ചതു ദിവസേന ഒരു വലിയ സ്പൂണ്‍ വീതം കഴിക്കുക. സാലഡിലോ ഓട്സിലോ ചേര്‍ത്തു കഴിക്കാം.



. കശുവണ്ടി, പിസ്ത തുടങ്ങിയവയുടെ വര്‍ഗത്തില്‍ പെട്ട വോള്‍നട്ട് (ന്ദന്റlnഗ്മന്ധ) എച്ച്ഡിഎല്‍ കൂട്ടാന്‍ വളരെ നല്ലതാണ്. ദിവസേന എട്ടു വോള്‍നട്ട് കഴിക്കാം. സ്നാക്ക് ആയോ സാലഡിനൊപ്പമോ കഴിക്കാം.

. ദിവസേന 40 നിലക്കടല വരെ കഴിക്കാം.



. സ്ഥിരമായി ഗ്രീന്‍ ടീ കുടിക്കുന്നതും എച്ച്ഡിഎല്‍ കൂട്ടാന്‍ സഹായിക്കും. ടീ ബാഗില്‍ ലഭിക്കുന്ന ഗ്രീന്‍ ടീ പായ്ക്ക് വാങ്ങി വച്ചാല്‍, ജോലിസ്ഥലത്തു പോലും ട്രീന്‍ ടീ കുടിക്കാം. ഗ്രീന്‍ ടീ കുടിക്കുന്നതു വണ്ണം കുറയ്ക്കാനും സഹായിക്കും.



. അമിതവണ്ണം, പുകവലി, വ്യായാമം ഇല്ലാതിരിക്കുക തുടങ്ങിയവയാണ് എച്ച്ഡിഎല്‍ കുറയാനുള്ള പ്രധാന കാരണങ്ങള്‍. ഇത്തരം ശീലങ്ങള്‍ മാറ്റി, ജീവിതത്തില്‍ അടുക്കും ചിട്ടയും കൈവരുത്തുക.



. കൃത്യമായ വ്യായാമം ചെയ്യുക. ഹൃദയമിടിപ്പു കൂട്ടുന്ന തരത്തിലുള്ള ഏതു വ്യായാമവും ചെയ്യാം. നടപ്പ്, ജോഗിങ്, ഡാന്‍സ്, നീന്തല്‍, സൈക്കിള്‍ ചവിട്ടുക തുടങ്ങി നിങ്ങള്‍ക്കിഷ്ടമുള്ള ഏതു വ്യായാമവും സ്വീകരിക്കാം.



എത്ര കഠിനമായി വ്യായാമം ചെയ്യുന്നു എന്നതിലല്ല, മറിച്ച് എത്ര നേരം ചെയ്യുന്നു എന്നതനുസരിച്ചാണ് എച്ച്ഡിഎല്‍ കൂടുക. ആഴ്ചയില്‍ 120 മിനിറ്റ് എങ്കിലും വ്യായാമം ചെയ്യണമെന്നാണ് കണക്ക്. 40 മിനിറ്റ് വീതം ആഴ്ചയില്‍ മൂന്നു ദിവസം വ്യായാമം ചെയ്താലും മതിയാകും. ദിവസേന ചെയ്താല്‍ ഏറെ നന്ന്.



ഹൃദയാരോഗ്യത്തിന്

രുചി നമ്മള്‍ ഉണ്ടാക്കിയെടുക്കുന്ന ശീലങ്ങളാണ്. അതിനാല്‍ ശീലങ്ങളില്‍ അല്‍പം മാറ്റം വരുത്തിയാല്‍ ഹൃദയത്തിനു കൂടുതല്‍ സംരക്ഷണം നല്‍കാം. രുചിശീലങ്ങള്‍ക്കൊപ്പം തന്നെ ജീവിതശൈലിയിലും അല്‍പം മാറ്റം വരുത്തുക.



. ആഹാരത്തില്‍ മിതത്വം വേണം



. പ്രമേഹം ഉണ്ടെങ്കില്‍ അതു നിയന്ത്രിക്കുക.



. തവിടു കളയാത്ത ധാന്യങ്ങളായ കുത്തരിച്ചോറ്, ഗോതമ്പ്, പഞ്ഞപ്പുല്ല്, ഓട്സ് എന്നിവ കൂടുതലായി ഉപയോഗിക്കുക. ഇവയില്‍ ധാരാളം നാര് അടങ്ങിയിട്ടുണ്ട്.



. മാംസാഹാരങ്ങളുടെ അളവു നന്നേ കുറയ്ക്കുക. പകരം പയര്‍, പരിപ്പു വര്‍ഗങ്ങള്‍ കൂടുതലായി ഉപയോഗിക്കണം. ഇവയിലും ധാരാളം നാര് അടങ്ങിയിട്ടുണ്ട്. അവ ബ്രഷ് പോലെ കുടല്‍ വൃത്തിയാക്കും. വയര്‍ ശുദ്ധമായാല്‍ പ്രതിരോധശേഷിയും വര്‍ധിക്കും.



. മീന്‍ ഹൃദയത്തിന് ഏറെ നല്ലതാണ്. പക്ഷേ, വറുത്തും പൊരിച്ചും കഴിക്കരുത്. കറിയായും ആവിയില്‍ പുഴുങ്ങിയും കഴിക്കുക.



. കോള പോലുള്ള കാര്‍ബണേറ്റഡ് പാനീയങ്ങള്‍ക്കു പകരം കരിക്ക്, ബാര്‍ലി വെള്ളം, മറ്റു പഴച്ചാറുകള്‍ എന്നിവ ഉപയോഗിക്കുക.



വിവരങ്ങള്‍ക്കു കടപ്പാട്

ഡോ ലീനാ സാജു

ഡയറ്റ് കണ്‍സല്‍ട്ടന്റ് ആന്‍ഡ് ന്യൂട്രീഷ്യനിസ്റ്റ്,

കിംസ് ഹോസ്പിറ്റല്‍ ആന്‍ഡ് സര്‍ജിക്കല്‍ സെന്റര്‍, എറണാകുളം.

കല്ലാനിക്കല്‍ സ്കൂള്‍ ബ്ലോഗ്‌ മനോഹരമായി ഡിസൈന്‍ ചെയ്ത കല്ലാനിക്കല്‍ സ്കൂളിന്റെ ബ്ലോഗ്‌ കാണൂ

കൊളസ്ട്രോള്‍










      കേരളത്തിലെ ജനങ്ങളെ കൊളസ്ട്രോള്‍ വിഴുങ്ങുകയാണെന്നാണ് അടുത്തകാലത്ത് ഒരു ഡോക്ടര്‍ സ്വകാര്യ സംഭാഷണത്തില്‍ പറഞ്ഞത്. എന്താണതിന് കാരണം എന്ന് ആര്‍ക്കും പറഞ്ഞു കൊടുക്കേണ്ട കാര്യമില്ല. ആഹാര രീതിയിലെ പാളിച്ചകള്‍, വ്യായാമം ഇല്ലായ്മ എന്നിവയാണ് കൊളസ്ട്രോള്‍ ഉണ്ടാക്കുന്നത്. കൊഴുപ്പ് കൂടുതലുള്ള ആഹാരം വര്‍ജ്ജിക്കുകയും നല്ല വ്യായാമവും കൊളസ്ട്രോള്‍ നിയന്ത്രിക്കാന്‍ അത്യാവശ്യമാണ്.

ദിനചര്യ പരിഷ്കരിക്കുകയാണ് കൊളസ്ട്രോളിന്‍റെ പിടിയില്‍ നിന്ന് രക്ഷനേടാന്‍ പ്രധാന വഴി. ദിവസം ഒരു മണിക്കൂറെങ്കിലും വ്യായാമത്തിനായി നീക്കി വയ്ക്കുക. ആപ്പിള്‍, മുന്തിരി, ബദാം എന്നിവ ഭക്ഷണത്തില്‍ ഉള്‍പ്പെടുത്തുക. ധാരാളം പച്ചക്കറികള്‍ കഴിക്കുക. മത്സ്യ - മാംസാദികള്‍ മിതമായി ഉപയോഗിക്കുക. എണ്ണയില്‍ വറുത്തെടുത്ത പലഹാരങ്ങള്‍ ഒഴിവാക്കുക തന്നെ വേണം.

ചായ കഴിക്കുന്ന ശീലമുള്ളവര്‍ക്ക് അതൊരു പ്രത്യേക രീതിയിലാക്കാം. ഇഞ്ചി, പിപ്പലി, കുരുമുളക് എന്നിവയുടെ മിശ്രിതം ഒരു ടീ സ്പൂണ്‍ കറുവാപ്പട്ടയും ചേര്‍ത്ത് ചായയില്‍ കലര്‍ത്തി കഴിക്കുക. ഇത് കൊളസ്ട്രോള്‍ നിയന്ത്രിക്കുന്നതിന് നല്ലതാണ്. അതിരാവിലെ ഒരു കപ്പ് ഇളം ചൂട് വെള്ളത്തില്‍ ഒരു ടീ സ്പൂണ്‍ തേന്‍ ചേര്‍ത്ത് കഴിക്കുന്നത് നല്ലതാണ്. അര ടീ സ്പൂണ്‍ ഇഞ്ചി കൊത്തിയരിഞ്ഞതും ഒരു വെളുത്തുള്ളി അല്ലി നന്നായി അരിഞ്ഞതും അര ടീ സ്പൂണ്‍ നാരങ്ങ നീരില്‍ ചേര്‍ത്ത് ആഹാരത്തിന് മുമ്പ് കഴിക്കുന്നതും കൊളസ്ട്രോള്‍ നിയന്ത്രിക്കാന്‍ നല്ലതാണ്.













രോഗങ്ങള്‍ നിയന്ത്രിക്കാന്‍ നാട്ടുമരുന്നുകള്‍





ചില സുഗന്ധൌഷധങ്ങളും പച്ചിലകളും ചിലതരം മലക്കറിയാഹാരങ്ങളും ഉപയോഗിച്ചു ക്രമപ്രകാരം ജീവിതചര്യാ നിഷ്ഠയോടെ ജീവിക്കുന്നതു പ്രമേഹം വരാതിരിക്കാനും രോഗം വന്നാല്‍ ചികിത്സയായും രോഗത്തിന്റെ അസഹനീയമായ ദുരന്തഫലങ്ങള്‍ നിയന്ത്രിക്കാനും ഒരളവു വരെ സാധിക്കും. ഇവയിലൂടെ രോഗം മാറുമെന്നല്ല, പ്രമേഹം നിയന്ത്രിച്ചു നിര്‍ത്താം എന്നു പറയുന്നതായിരിക്കും കൂടുതല്‍ ശരി. ഉയര്‍ന്ന പ്രമേഹാവസ്ഥയില്‍ ഇന്‍സുലിനുള്‍പ്പെടുന്ന അലോപ്പതി മരുന്നുകള്‍ തന്നെയായിരിക്കും അടിയന്തിരഫലം നല്‍കുന്നത്. ആ മരുന്നുകള്‍ ഒറ്റയടിക്കു നിര്‍ത്തി ഈ നാട്ടുമരുന്നുകള്‍ മാത്രം ഉപയോഗിക്കാന്‍ തുനിയുന്നത് ഉചിതമല്ല.ഓരോ വ്യക്തിയുടേയും ശരീരം ഓരോ വിധത്തിലാണു മരുന്നുകളോടും പ്രതികരിക്കുന്നത്. ഒരാള്‍ക്ക് ഏറെ ഗുണം ചെയ്ത മരുന്നുകള്‍ മറ്റൊരാള്‍ക്കു കാര്യമായി ഫലിച്ചില്ലെന്നും വരും. വിദഗ്ധാഭിപ്രായമനുസരിച്ചോ സ്വയം നിരീക്ഷിച്ചോ അവരവര്‍ക്കിണങ്ങിയതു കണ്ടെത്തിയാല്‍ മികച്ച ഫലം ലഭിക്കും.

കാട്ടുജീരകമെന്ന അത്ഭുതമരുന്ന്
പ്രമേഹരോഗികളില്‍ അത്ഭുതകരമായ ഫലമുളവാക്കുന്ന ഔഷധമാണു കരിംജീരകമെന്ന് അറിയപ്പെടുന്ന കാട്ടുജീരകം. സാധാരണ ജീരകത്തേക്കാള്‍ വലുപ്പവും കറുത്ത നിറവുമാണു കാട്ടുജീരകത്തിന്. നല്ല കയ്പുമാണ്. പ്രമേഹം വരാതെ സൂക്ഷിക്കാനും പിടിപെട്ടവര്‍ക്കു രോഗം നിയന്ത്രിക്കാനും ഇതു സഹായിക്കുന്നു. മാത്രമല്ല, അനുബന്ധമായ അസ്വസ്ഥതളേയും കുറയ്ക്കും.മധ്യവയസു പിന്നിട്ട ചിലരില്‍ ചിലപ്പോള്‍ പൊടുന്നനെ പ്രമേഹരോഗലക്ഷണങ്ങള്‍ കാണാറുണ്ട്. പ്രാരംഭത്തില്‍, അതായത് ആന്റി ഡയബറ്റിക് മരുന്നുകള്‍ കഴിച്ചു തുടങ്ങുന്നതിനു മുമ്പുള്ള ഇടവേളകളില്‍ ആഹാരനിയന്ത്രണം, വിശ്രമം, വേണ്ടത്ര വ്യായാമം, ശരിയായ ഉറക്കം എന്നിവയോടൊപ്പം കാട്ടു ജീരകം കഷായ രൂപത്തില്‍ കഴിക്കുന്നത് അവിശ്വസനീയമായ ഫലം ഉണ്ടാക്കുന്നതായി അനുഭവത്തില്‍ തെളിഞ്ഞിട്ടുണ്ട്. 60 ഗ്രാം കാട്ടുജീരകം ഇടങ്ങഴി വെള്ളത്തില്‍ കഷായം വെച്ച് ഒരു നാഴിയാക്കി ഉരി വീതം രാവിലേയും വൈകിട്ടും കഴിക്കുകയാണു വേണ്ടത്. പ്രമേഹം ആരംഭിക്കുന്നതിനു മുമ്പുള്ള അവസ്ഥയിലും പ്രമേഹപ്രതിരോധത്തിനും കാട്ടുജീരകമിട്ടു തിളപ്പിച്ച വെള്ളം ദാഹം മാറ്റാന്‍ കുടിച്ചാല്‍ മതിയാകും. ആസ്മ, വിരശല്യം മുതലായവയ്ക്കും ഇതു നല്ല ഫലം നല്‍കാറുണ്ട്.

തുടക്കത്തില്‍
പ്രമേഹമാണെന്നു തിരിച്ചറിഞ്ഞു കഴിഞ്ഞാല്‍ ഇടയ്ക്കിടെ രക്തത്തിലെ പഞ്ചസാരയുടെ അളവ് എത്രയെന്നു മനസിലാക്കേണ്ടത് ആവശ്യമാണ്. പഞ്ചസാരയുടെ അളവ് ഉയര്‍ന്നു നില്‍ക്കുന്നതായി കണ്ടാല്‍ ഒരു സ്പൂണ്‍ നെല്ലിക്കനീരില്‍ (വെള്ളം ചേര്‍ക്കാതെ) ഒരു നുള്ളു മഞ്ഞള്‍പ്പൊടിയും ഒരു ചെറിയ സ്പൂണ്‍ തേനും ചേര്‍ത്തു ഉള്ളില്‍ കഴിക്കുന്നതു മിക്കവരിലും ഗുണകരമാണ്. രാവിലെ വെറും വയറ്റിലാണു കഴിക്കേണ്ടത്. ഭക്ഷണനിയന്ത്രണവും ഉചിതമായ വ്യായാമവും അനിവാര്യമാണ്.തേന്‍ മധുര വസ്തുവായതിനാല്‍ പ്രമേഹം കൂട്ടാന്‍ അതുകാരണമാകുമെന്നു സംശയിക്കുന്നവരുണ്ട്. എന്നാല്‍, അതു മറ്റു മരുന്നുകളോടൊപ്പം പ്രവര്‍ത്തിക്കുമ്പോള്‍ അത്തരത്തിലൊരു സംശയം തന്നെ വേണ്ടെന്നാണു ചികിത്സാനുഭവം വ്യക്തമാക്കുന്നത്.നെല്ലിക്കാ നീരും പച്ചമഞ്ഞളിന്റെ നീരും തുല്യ അളവില്‍ എടുത്തു രാവിലെ വെറും വയറ്റില്‍ കഴിക്കുന്നതും നല്ലതാണ്.ഷുഗറിന്റെ അളവു കൂടുന്നതനുസരിച്ചു രണ്ട് സ്പൂണ്‍ വരെ കഴിക്കാം.

വെളുത്തുള്ളി
വെളുത്തുള്ളിയുടെ രസായനവിധി പ്രകാരമുള്ള ഉപയോഗം ശരീരത്തിന്റെ രോഗപ്രതിരോധശക്തി വര്‍ധിപ്പിക്കാനും രോഗം പിടിപെടാതെ സംരക്ഷിക്കാനും ഫലപ്രദമത്രെ. പ്രമേഹരോഗികളുടെ മുറിവ്, വ്രണം എന്നിവ പെട്ടെന്നു കരിയാനും സഹായകമാണു വെളുത്തുള്ളി. ആദ്യദിവസം ഒരു അല്ലി കഴിച്ച് അടുത്തദിവസം രണ്ടാക്കി അങ്ങനെ ഓരോ ദിവസവും ഓരോന്നു വീതം കൂട്ടി 21 ആക്കണം. തുടര്‍ന്ന് ഓരോ ദിവസവും കുറച്ച് അവരോഹണക്രമത്തില്‍ കൊണ്ടു വന്ന് അവസാനിപ്പിക്കുകയാണു വേണ്ടത്. തീക്ഷ്ണസ്വഭാ വവും ഉഷ്ണാധിക്യവുമുള്ളതായതിനാല്‍ വെളുത്തുള്ളി നേരിട്ടു കഴിക്കുന്നതും ദീര്‍ഘകാല ഉപയോഗവും നല്ലതല്ല. ഭക്ഷണത്തില്‍ പതിവായി ഉള്‍പ്പെടുത്തുന്നതു ഗുണകര മാണ്. മരുന്നായി ഉപയോഗിക്കുമ്പോള്‍ വെളുത്തുള്ളി അല്ലി പാലില്‍ തിളപ്പിച്ചു കഴിക്കാം. രാവിലെ ആഹാരത്തിനു മുമ്പും രാത്രിയിലാണു കഴിക്കുന്നതെങ്കില്‍ അത്താഴം കഴിഞ്ഞ് അരമണിക്കൂറിനു ശേഷവും കഴിക്കുന്നതാണു നല്ലത്.പല പ്രമേഹരോഗികളിലും കണ്ടുവരുന്ന കാല്‍വണ്ണയിലെ കഴപ്പ്, പാദങ്ങളിലെ തരിപ്പ് എന്നിവയ്ക്കു രാത്രി കഴിക്കുന്നതാണ് ഉത്തമം. പ്രമേഹരോഗികളിലെ ഹൃദ്രോഗബാധ നിയന്ത്രിക്കാനും അതുപോലെ മറ്റു വിവിധ രോഗാവസ്ഥകള്‍ക്കും വെളുത്തുള്ളി ഫലപ്രദമാണ്.

ഉള്ളിയും നല്ലത്
രക്തത്തിലെ പഞ്ചസാരയെ കുറയ്ക്കാന്‍ ഉള്ളി (സവോള) സഹായിക്കുമെന്നു ഗവേഷണങ്ങള്‍. ഉള്ളിയില്‍ അടങ്ങിയിരിക്കുന്ന അല്ലിസിന്‍ ഉള്‍പ്പെടെയുള്ള (ക്കllത്ന ണ്മത്സഗ്നണ്മത്നl ദ്ധ്രന്ഥഗ്മണ്മhദ്ധനPadma_chandrakkala്ര, ക്കllദ്ധ്യദ്ധn) രാസവസ്തുക്കളാണ് അതിനു സഹായിക്കുന്നത്. കരളില്‍ നടക്കുന്ന ഗൂക്കോസിന്റെ ചയാപചയപ്രവര്‍ത്തനങ്ങള്‍ മെച്ചപ്പെടുത്താന്‍ ഈ ഘടകങ്ങള്‍ക്കു കഴിയുന്നതിലൂടെയാണ് ഉള്ളി പ്രമേഹത്തിനു ഗുണം ചെയ്യുന്നത്.ഉള്ളിയുടെ അളവ് കൂടുന്തോറും ഷുഗര്‍ നിലയില്‍ കുറവു കാണുന്നതായാണു ഗവേഷകര്‍ രേഖപ്പെടുത്തിയത്. ഉള്ളി പച്ചയായി നേരിട്ട് ഉപയോഗിച്ചപ്പോഴും പാചകം ചെയ്ത് ഉപയോഗിച്ചപ്പോഴും ഒരേ ഫലം തന്നെയായിരുന്നുവെന്നാണ് ശ്രദ്ധേയമായ മറ്റൊരു വസ്തുത.

കറുവപ്പട്ട, മഞ്ഞള്‍, ഗ്രാമ്പൂ
ശരീരത്തില്‍ ഇന്‍സുലിന്റെ പ്രവര്‍ത്തനം മെച്ചപ്പെടുത്താന്‍ കറുവപ്പട്ട, മഞ്ഞള്‍, ഗ്രാമ്പൂ മുതലായ സുഗന്ധവ്യഞ്ജനങ്ങള്‍ക്കു കഴിയുമെന്ന് ആധുനിക പഠനങ്ങളും പറയുന്നു. പ്രമേഹമരുന്നുകള്‍ക്കു സമാനമായ ചില രാസഘടകങ്ങള്‍ ഇവയില്‍ അടങ്ങിയിട്ടുണ്ട്. ഈ ഭക്ഷ്യവസ്തുക്കളിലെ ചില രാസവസ്തുക്കള്‍ ശരീരത്തിലെ ഇന്‍സുലിന്റെ പ്രവര്‍ത്തനം ഉത്തേജിപ്പിക്കുന്നതായും അതിലൂടെ ശരീരത്തിനു ഗൂക്കോസിനെ വേണ്ടവിധം സ്വാംശീകരിക്കാന്‍ കഴിയുന്നതായും അമേരിക്കയിലെ ള്ളS.ക്ക യിലെ ശാസ്ത്രജ്ഞനായ ഡോ.ആന്‍ഡേഴ്സണ്‍ തെളിയിട്ടിട്ടുണ്ട്. ഭക്ഷണത്തില്‍ ഇവയുടെ സാന്നിധ്യം ഉറപ്പാക്കിയാല്‍ പ്രമേഹത്തിന് ഇന്‍സുലിന്‍ എടുക്കുന്നവര്‍ക്കു പോലും കൂടുതല്‍ പ്രയോജനം ലഭിക്കും. മഞ്ഞള്‍, ഏലത്തരി, ചുക്ക് എന്നിവയുടെ കഷായരൂപത്തിലുള്ള ഉപയോഗവും പ്രമേഹത്തിനു പ്രയോജനകരമാണ്. അയമോദകം, ചുക്ക്, ഇഞ്ചി, ചിറ്റരത്ത, അയമോദകം മുതലായവയും പ്രമേഹപ്രതിരോധ ഔഷധങ്ങളാണ്.

കൂവളവും ആര്യവേപ്പും
കൂവളത്തിലയുടെ നീരും ആര്യവേപ്പിലയുടെ നീരും ചിലരില്‍ പ്രമേഹം കുറയ്ക്കാന്‍ ഏറെ സഹായിക്കാറുണ്ട്. കൂവളത്തിന്റെ ഇലയുടെ ചാറ് രാവിലെ വെറും വയറ്റില്‍ 10. മി.ലി കഴിക്കുന്നതാണു നല്ലത്. പ്രമേഹരോഗികളില്‍ പലരിലും ഉള്ളംകാലില്‍ ചുട്ടുനീറ്റലും പാദങ്ങളില്‍ തരിപ്പും കാണാറുണ്ട്. അതിന് കൂവളത്തിന്റെ കായ് ഗുണം ചെയ്യും. പച്ചക്കായുടെ കാമ്പ് വേര്‍തിരിച്ചെടുത്ത് എള്ളെണ്ണയില്‍ ഒരാഴ്ചയോളം ഇട്ടിരുന്ന ശേഷം ആ എണ്ണ ശരീരത്തിലും പ്രത്യേകിച്ചു പാദത്തിലും ഉള്ളങ്കാലിലും തിരുമ്മിപ്പിടിപ്പിക്കുന്നതു ഫലം ചെയ്യും. അരമണിക്കൂറിനു ശേഷം കുളിക്കാം. ആര്യവേപ്പിലയുടെ നീരും രാവിലെ വെറും വയറ്റില്‍ കഴിക്കണം. വേപ്പിലയിട്ടു തിളപ്പിച്ച് ആറിയ വെള്ളത്തില്‍ തല കഴുകയും കുളിക്കുകും ചെയ്യുന്നതു നല്ലതാണ്.

അമിതവണ്ണം മാറാന്‍ കറിവേപ്പില
കറിവേപ്പിലയുടെ നീരും പച്ച കസ്തൂരിമഞ്ഞളിന്റെ ചാറും രണ്ടുംകൂടി തുല്യാനുപാതത്തില്‍ ചേര്‍ത്ത് ഒരു സ്പൂണ്‍ രാവിലെ വെറും വയറ്റില്‍ കഴിച്ചാല്‍ അമിതവണ്ണം കുറയും. അമിതവണ്ണമുള്ള പ്രമേഹരോഗികളില്‍ വണ്ണം കുറയുന്നതു ഫലപ്രദമായ പ്രമേഹ പരിഹാരമാണ്. കറിവേപ്പില നീര് അരസ്പൂണ്‍വീതം ഭക്ഷണത്തിനു മുമ്പ് ആഹാരത്തിനു മുമ്പു മൂന്നു നേരവും കഴിക്കുന്നതു കൊളസ്ട്രോള്‍ കുറയാനും സഹായിക്കും.

ഇന്‍സുലിന്‍ ചെടിക്ക് ഫലമുണ്ടോ?
പ്രമേഹത്തിനുള്ള മരുന്നെന്ന നിലയില്‍ നമ്മുടെ നാട്ടില്‍ പെട്ടെന്നു പ്രചാരം നേടിയ സസ്യമാണ് ഇന്‍സുലിന്‍ ചെടി. ഇതിന്റെ ഇലച്ചാറോ, സമൂലം ഇടിച്ചുപിഴിഞ്ഞ നീരോ കഴിക്കാം. കൂടുതല്‍ പേരിലും കാര്യമായ ഫലം കാണാറില്ലെങ്കിലും ചില രോഗികളില്‍ വളരെ നല്ല ഫലം കണ്ടതായും അനുഭവമുണ്ട്. ഓരോ മരുന്നിന്റേയും ഗുണം നിരീക്ഷിച്ചറിഞ്ഞുവേണം മരുന്നെന്നനിലയില്‍ ശീലമാക്കാന്‍.

ലൈംഗികശേഷി കൂട്ടാന്‍
പ്രമേഗരോഗം വേണ്ടവിധം നിയന്ത്രിക്കാതെ നീണ്ടുനിന്നാല്‍ ഉണ്ടാകുന്ന പ്രധാന പ്രശ്നങ്ങളിലൊന്നാണു ലൈംഗികശേഷിയിലുണ്ടാകുന്ന കുറവ്. പ്രത്യേകിച്ചും പുരുഷന്മാരില്‍. തുളസിച്ചെടിയുടെ കതിരിലുള്ള അരി നല്ല ഫലം ചെയ്യുന്നമരുന്നാണ്.തുളസിയുടെ അരി രാത്രിയില്‍ ഒരു കപ്പു വെള്ളത്തില്‍ ഇട്ടുവെച്ച ശേഷം രാവിലെ ആ വെള്ളം കുടിക്കുക. രാത്രിയില്‍ കിടക്കുന്നതിനു മുമ്പ് കൂടി കുടിക്കുന്നതു കൂടുതല്‍ നല്ലത്. പുരുഷന്മാര്‍ക്കാണു കൂടുതല്‍ ഗുണകരമെങ്കിലും ഈ ഔഷധം സ്ത്രീളുടെ ലൈംഗിക താല്‍പര്യവും മെച്ചപ്പെടാന്‍ സഹായിക്കും.

പ്രമേഹത്തിനും കൊളസ്ട്രോളിനും ഉലുവ
ഉലുവ, കാഴ്ചയില്‍ ചെറുതെങ്കിലും അതിന്റെ അത്ഭുതശക്തി പ്രമേഹരോഗികളില്‍ പ്രകടമായി കാണാം. പലവട്ടം വീട്ടമ്മമാരുടെ കരസ്പര്‍ശമേറ്റ്, ആഹാരവിഭവങ്ങളിലൂടെ ഉള്ളിലെത്തി പ്രവര്‍ത്തിക്കുന്ന ഈ ഔഷധം എത്രയോ വിലപ്പെട്ടതാണ്.പ്രമേഹവും അതുമായി ബന്ധപ്പെട്ട പല പ്രശ്നങ്ങള്‍ക്കും ഉലുവ ഗുണം ചെയ്യുന്നുണ്ട്. നാഷണല്‍ ഇന്‍സ്റ്റിറ്റ്യൂട്ട് ഓഫ് ന്യൂട്രീഷനിലെ ഗവേഷകര്‍ പ്രമേഹം കുറയ്ക്കാനുള്ള ഉലുവയുടെ ശേഷി ശാസ്ത്രീയമായി തെളിയിക്കുകയും ചെയ്തു. ടൈപ് 1 പ്രമേഹരോഗികള്‍ക്ക് ഉലുവയുടെ പൊടി നല്‍കി നടത്തിയ നിരീക്ഷണത്തില്‍ അവരുടെ രക്തത്തിലെ പഞ്ചസാരയുടെ അളവു വ്യക്തമായ അളവില്‍ കുറയുകയും ഗൂക്കോസ് ട്രോളറന്‍സ് മെച്ചപ്പെടുന്നതും വിലയിരുത്തി.ജറുസലേമിലെ ഹീബ്രൂ യൂണിവേഴ്സിറ്റിയിലെ ഗവേഷകര്‍ പ്രമേഹരോഗികളിലും രോഗമില്ലാത്തവരിലും ഉലുവ ഒരു പോലെ ഷുഗര്‍നില കുറയ്ക്കുന്നതായി കണ്ടെത്തി. ഉലുവയില്‍ അടങ്ങിയിരിക്കുന്ന ജെല്‍ പോലുള്ള ഒരു സോളുബിള്‍ ഫൈബര്‍ (ട്ടന്റlന്റ്യന്ധഗ്നണ്ഡന്റnnന്റn) ആണ് കൊളസ്ട്രോള്‍ കുറയ്ക്കാന്‍ സഹായിക്കുന്നത്.രക്തത്തിലെ ഹീമോഗോബിന്റെ അളവു നിലനിര്‍ത്തുന്നതിനുള്ള കഴിവ് ഉലുവയുടെ പ്രത്യേകതയാണ്. വാതരോഗികളിലും പ്രമേഹരോഗികളില്‍ വാതാധിക്യമുള്ളവര്‍ക്കും കൂടുതല്‍ ഗുണകരമാണ്. മൂത്രത്തിലെ പഞ്ചസാരയുടെ അളവു നിയന്ത്രിക്കാനും ആന്തരികാവയവങ്ങളിലുണ്ടാകുന്ന ക്ഷതത്തിനും ഉലുവ പ്രയോജനപ്പെടുന്നു. ശരീരകാന്തി വര്‍ധിപ്പിക്കാനും ഉലുവ നല്ലതാണ്.പ്രമേഹരോഗികള്‍ കഴിക്കുന്ന ചില മരുന്നുകളുടെ അനന്തരഫലമായി കണ്ടുവരുന്ന മുഖത്തെ കറുത്ത പാടുകള്‍ മാറ്റാന്‍ ഉലുവാ പാലിലരച്ചു മുഖത്തു ലേപനം ചെയ്താല്‍ മതി.

ഏഷ്യാനെറ്റിലെ വോഡഫോണ്‍ കോമഡി-ശ്രുതിമേനോന്‍





ഏഷ്യാനെറ്റിലെ വോഡഫോണ്‍ കോമഡി ഷോയിലെ ചിരിമുഴക്കങ്ങള്‍ക്കിടയില്‍ പൂവിടരുന്ന ചിരിയുമായി ശ്രുതിമേനോന്‍ നില്‍ക്കും. ചിരിക്കിടയില്‍ ശ്രീ പകര്‍ന്നാണ് ശ്രുതിയുടെ നില്‍പ്. പ്രോഗ്രാമിന്റെ ശ്രീ കൂടിയാണ് ശ്രുതി.

ചിരിയുണ്ടാക്കാന്‍ ടീമംഗങ്ങള്‍ പാടുപെടുന്നതും ശ്വാസം വിടാതെ മേക്കപ്പ് ചേഞ്ചുമായി ഓടിവരുന്നതും, ചിലപ്പോള്‍ സ്റേജില്‍ തപ്പിത്തടയുന്നതും ചിലപ്പോള്‍ ചിരി 'ശൂ.....' ആയിപ്പോകുന്നതും ഏറ്റവും അടുത്തുനിന്നു കാണുന്ന ഒരാളാണ് ശ്രുതി.

പ്രേക്ഷകരെപ്പോലെ ഞാനും വളരെ ആസ്വദിച്ചാണ് കോമഡി ഷോ അവതരിപ്പിക്കുന്നത്. വളരെയേറെ രസകരമായ അനുഭങ്ങള്‍ ഈ ഷോയിലൂടെ ലഭിക്കുന്നു. ചില സംഭവങ്ങളോര്‍ ത്താല്‍ത്തന്നെ ചിരിവരും.


പരിപാടിക്കിടയില്‍ അടി,ഇടി
പരിപാടിക്കിടയില്‍ ടീമംഗങ്ങള്‍ തമ്മില്‍ അടിയുണ്ടായതിനാല്‍ ഷോ നിര്‍ത്തിവെയ്ക്കേണ്ടിവന്നതില്‍ ഖേദിക്കുന്നു. ഇങ്ങനെയൊരു അനൌണ്‍ സ്മെന്റ് നടത്തേണ്ടി വരുമോ എന്നു പേടിച്ചുപോയൊരു ഷോയുണ്ട്. കോമഡിഷോയിലെ മറക്കാനാവാത്ത അനുഭവം കൂടിയാണത്. ഒരു എപ്പിസോഡില്‍ ഷോയിലെ വിഐപി ടീമിന്റെ മത്സരം നടക്കുകയാണ്. പതിവുപോലെ തമാശകളുടെ മാലപ്പടക്കം പൊട്ടുകയാണ്. പെട്ടന്ന് ടീം അവതരണം നിര്‍ത്തി. റിയാലിറ്റി ഷോ ആണ്, മത്സര ഇനവുമാണ്. ഒരിക്കലും ഇത്തരമോരു പരിപാടിക്കിടെ ഇങ്ങനെ സംഭവിക്കാന്‍ പാടുള്ളതല്ല.

അവതാരക എന്ന നിലയില്‍ ഞാനുടനെ ഇടപെട്ട് പരിപാടി തുടങ്ങണമെന്ന് ടീമംഗങ്ങളെ അറിയിച്ചു. അവരാകട്ടെ പരസ്പരം പഴിചാരാന്‍ തുടങ്ങി. സ്ക്രിപ്റ്റിലെ പിഴവിനെച്ചോല്ലി തര്‍ക്കമായി. മുന്നിലിരിക്കുന്ന വിധികര്‍ത്താക്കള്‍ കൂടെ ഇടപെട്ടതോടെ രംഗം കൂടുതല്‍ സംഘര്‍ഷഭരിതമായി. പരിപാടി പെട്ടന്ന് നിര്‍ത്തി വയ്ക്കേണ്ടി വരുമെന്ന അവസ്ഥയില്‍ വരെ കാര്യങ്ങളെത്തി. റിയാലിറ്റിഷോ നന്നായി മുന്നോട്ടു കൊണ്ടുപോവുക എന്ന ദൌത്യവുമായി നല്‍ക്കുന്ന ഞാന്‍ ആ സമയത്ത് അനുഭവിച്ച വിഷമം എങ്ങനെയാ പറഞ്ഞറിയിക്കേണ്ടത് എന്ന് എനിക്കുതന്നെ അറിയില്ല.

ടീമംഗങ്ങളെയും വിധി കര്‍ത്താക്കളെയും അനുനയിപ്പിക്കാന്‍ ഞാന്‍ ആവുന്നത്ര ശ്രമിച്ചുകൊണ്ടിരുന്നു.

സമയമങ്ങിനെ നീണ്ടു പോവുകയാണ്. അപ്പോഴാണ് ഒരു ചിരിയോടെ ടീമംഗങ്ങള്‍ പറയുന്നത് ഇതും ഷോയുടെ ഭാഗമാണെന്ന്. ഒരു റിയല്‍ തിരികിട.

ഇപ്പോള്‍ ആലോചിക്കുമ്പോള്‍ ചിരി വരുമെങ്കിലും അന്ന് ഞങ്ങള്‍ വല്ലാതെ വിഷമിച്ചുപോയി. വിഐപി ടീമിന്റെ വഴക്ക് അത്രയ്ക്ക് ഒറിജിനലായിരുന്നു. വിധികര്‍ത്താക്കളും ഞാനും അത് സത്യമാണെന്നു വിചാരിച്ചാണ് ഇടപെട്ടത്. അതും കൂടെയായപ്പോള്‍ ഒറിജിനാലിറ്റി കൂടി.

അവതാരകയ്ക്കും വിജയത്തില്‍ പങ്ക്

ഏതുപരിപാടിയായലും അത് വിജയിപ്പിക്കുന്നതില്‍ നല്ലൊരു പങ്ക് അവതാരകയ്ക്കുണ്ട്. എത്ര മികച്ച പ്രകടനമാണെങ്കിലും അവതരണം നന്നായില്ലെങ്കില്‍ പരിപാടിയും വിജയിക്കില്ല. പരിപാടി ഏതായാലും അവതാരക ഇന്‍വോള്‍വ്ഡ് ആയിരിക്കണം. പരിപാടിയുടേതായ എല്ലാ ചിട്ടവട്ടങ്ങളിലും നിയമങ്ങളിലും നിന്നുകൊണ്ടുള്ള അവതരണമാണ് നല്ലത്.

ഹൃദയസ്പര്‍ശിയായ ഒരു സംഭവം അവതരിപ്പിക്കുമ്പോള്‍ നമ്മുടെ മനസ്സിനെയും അത് സ്വാധീക്കുക സ്വാഭാവികമാണ്. എന്നാല്‍ അവതരണത്തിലും വിലയിരുത്തലിലും വൈകാരികത വരാന്‍ പാടില്ല. നമ്മുടെ നിലപാടിനെക്കുറിച്ചുള്ള കൃത്യമായ ബോധം അവകരണത്തില്‍ ആവശ്യമാണ്. ഓരോ എപ്പിസോഡിനും മുമ്പ് ടീമംഗങ്ങളെ ക്കുറിച്ചും അവരുടെ പശ്ചാത്തലത്തെക്കുറിച്ചും അറിയാന്‍ ഞാന്‍ ശ്രമിക്കാറുണ്ട്.

പൈലറ്റാകാന്‍ ആഗ്രഹിച്ചു; എപ്പിസോഡിന്റെ പൈലറ്റായി

ഒരു പൈലറ്റ് ആകാനായിരുന്നു എനിക്ക് ആഗ്രഹം. യാദൃശ്ചികമായാണ് സിനിമയിലെത്തിയത്. അവിടെ നിന്ന് മിനിസ്ക്രീനിലെ അവതാരകയായി. അന്താരാഷ്ട്ര റിലീസായ സഞ്ചാരം, കൃത്യം എന്നീ ചിത്രങ്ങളിലും അഭിനയിച്ച ശേഷമാണ് മുല്ലയില്‍ അഭിനയിക്കുന്നത്.

ഏവിയേഷന്‍ കോഴ്സ് ചെയ്യാനുള്ള തയ്യാറെടുപ്പിനിടെയാണ് കരിയറിന്റെ ഗതി മാറുന്നത്. ഏഷ്യാനെറ്റ് പ്ളസ്സിലെ സ്റാര്‍ ഓഫ് സ്റാര്‍സ് ആയിരുന്നു ആദ്യ പ്രോഗ്രാം. പിന്നീട് അമൃത ടിവിയിലെ സൂപ്പര്‍ഡാന്‍സര്‍2. അതും കഴിഞ്ഞാണ് കോമഡി സ്റാര്‍സ് ചെയ്യാന്‍ അവസരം ലഭിക്കുന്നത്.

മീഡിയയില്‍ എത്തിയപ്പോള്‍ ഇതാണ് എന്റെ ലോകമെന്ന് തോന്നി. ബിരുദപഠനത്തിന് മാസ് മീഡിയയാരുന്നു ഐച്ഛികവിഷയം. മീഡിയയില്‍ പ്രവര്‍ത്തിക്കുക എന്നത് എന്റെ അഭിലാഷമാണ്.

മലയാളത്തെ കൈവിടാതെ

മുംബൈയില്‍ ജനിച്ചു വളര്‍ന്ന ഞാന്‍ എങ്ങനെ നന്നായി മലയാളം സംസാരിക്കുന്നുവെന്ന് പലരും ചോദിക്കും. മാതൃഭാഷ പഠിക്കണമെന്ന് അച്ഛനും അമ്മയ്ക്കും നിര്‍ബന്ധമുണ്ടായിരുന്നു. കുട്ടിക്കാലം മുതലേ അങ്ങിനെയാണ് ശീലിപ്പിച്ചിരിക്കുന്നത്. എന്റെ സ്വദേ ശം പാലക്കാടാണ്. എന്നെ ബാല്യത്തില്‍തന്നെ മലയാളം പഠിപ്പിച്ചിന് ഇപ്പോള്‍ ഞാന്‍ അച്ഛനേയും അമ്മയേയും കൂടുതല്‍ സ്നേഹിക്കുന്നു. അതുകൊണ്ടല്ലേ എനിക്ക് ടിവി അവതാരക ആവാന്‍ സാധിച്ചതും ആളുകളുടെ സ്നേഹം ലഭിക്കുന്നതും.


കടപ്പാട് :സ്ത്രീധനം വാരിക  www.deepika.com